Wala nang sumasagi sa isipan
Kundi ang pagyakap ng blankong kaisipan
At magulong katanungan
Sapagkat, pumaroon na ang salita
Tangay ang katotohanan
Na ang lahat
Ay hindi mo rin maiintindihan
Paalam na lang ba ?
Ang lagi mong daing
At sa huli
Ang lahat ay nilukot na papel
Pagkatapos sulatan
Hindi magtatagal
Busog na naman ang basurahan
Sa paglamon ng pilas na kahapon
Kadikit ang panghihinayang
Wala kang naiintindihan
Hindi na ko iimik…
